ဆေးပညာ-စာရေးသူ (၂)

အရင်စာမှာ “ရေးတဲ့သူတွေက ငါ့စကားနွားရ လုပ်တတ်ကြတာ ရှိတယ်” လို့ ငေါ့ခဲ့မိပါတယ်။ အမေးရှိတာ ဖြေပါရစေ။ “မှန်သည် ဖြစ်စေ မှားသည် ဖြစ်စေ၊ ငါ့စကားကြောင့်သာ နွားရသည်ဟု တစ်ဖက်သတ် ဇွတ်တရွတ် ပြောဆိုတာ” လို့ မြန်မာစာအဖွဲ့၏ မူပိုင် မြန်မာစကားပုံ စာအုပ်က ဆိုပါတယ်။ ကျွန်တော့် စကားကြောင့် သဘောပေါက်တာ မဟုတ်ပါ။

ဆေးစာတွေ ဘာသာပြန်ရတော့ ဘာသာပြန်စာအုပ်တွေ ငယ်ငယ်က စွဲခဲ့ဘူးတာ အမှတ်ရပါတယ်။ သူ့ခေတ်နဲ့သူ ကောင်းခဲ့ပါတယ်။ Sherlock Holmes (ရှားလော့ခ်-ဟုမ်းစ်) ဝတ္ထုတွေကနေ ဆရာကြီး ရွှေဥဒေါင်းရဲ့ “စုံထောက်ကြီး ဦးစံရှား” သာမက ကာတွန်း-အောင်ရှိန်ရဲ့ “ဦးရှံစား” လဲ ရေပန်းစားခဲ့တယ်။

နိုင်ငံတိုင်းဟာ၊ တခြားယဉ်ကျေးမှုတွေ၊ တခြားစီးပွါးရေးတွေနဲ့ ဆက်စပ်နေတာကို အရင်ကလို တားထား-ပိတ်ထားလို့ မရနိုင်တော့ လောက်အောင် ခက်လာတယ်။ ဒီတော့ ကိုယ့်စကား မဟုတ်တာ အနည်းဆုံး တခုတော့ တတ်ဘို့ လိုလာပြီ။ သိတဲ့အတိုင်း အင်္ဂလိပ်စာက အများသုံး။ ကျောင်းမှာသင်၊ ကျူရှင်တက်၊ ကိုယ်တိုင် လေ့လာမှု မပြုလို့ မရကြတော့ပါ။

ရန်ကုန်နဲ့ မန္တလေး မဟုတ်တဲ့ နယ်ကျောင်းကနေ ဆယ်တန်း အောင်ခဲ့သူဆိုတော့ အင်္ဂလိပ်စာ မတော်ဘူး။ ခေတ်က ကိုလိုနီခေတ် မဟုတ်တော့ပါ။ ကျွန်ခေတ်မှာ ကျွန်စာ ဆန့်ကျင်ရေး လုပ်ခဲ့ကြသလို ဗိုလ်ကျတဲ့သူတွေကို တော်လှန်ဘို့ ဗိုလ်စာ ကောင်းကောင်း တတ်အောင် လုပ်သူတွေလဲ ရှိခဲ့ပါတယ်။

လွတ်လပ်ပြီး မကြာခင် အင်္ဂလိပ်စာကို အားမပေးပြန်ဘူး။ ဘာလို့ အဲလိုလုပ်သလဲဆိုတာ လုပ်တဲ့သူတွေကနေ ပြောမှ မှန်ပါမယ်။ ခံရသူက ပြောပြပါဆိုရင့့် ဆယ်တန်းမှာ သိပ္ပံ ၃ ဘာသာကို အင်္ဂလိပ်လို သင်နေရတုံး၊ “မြန်မာလိုသာ သင်စေ” ဆိုတဲ့ အထက်အမိန့် လာတယ်။ ဆရာတွေကလဲ B. Sc. ဘွဲ့ရအောင် အင်္ဂလိပ်လို သင်လာခဲ့ကြရတယ်။ သင်္ချာ၊ ဓါတုဗေဒ နဲ့ ရူပဗေဒကို မြန်မာစာလို စာအုပ်ကလဲ ထုတ်မလို့ လုပ်တုံးရှိသေးတော့ မတော်တဲ့သူတွေ ပိုညံ့စေတဲ့ ပေါ်လစီသာ ဖြစ်ခဲ့တာကို အချိန်က သက်သေပြခဲ့တယ်။

အင်္ဂလိပ် လက်အောက်ခံခြင်း အတူတူ ကျွန်တော်တို့ နိုင်ငံက ယဉ်ကျေးမှုကို နယ်မကျွံအောင် ထိန်းနိုင်ခဲ့တာတော့ အတော် ကောင်းပါတယ်။ ပညာအရာမှာတော့ အတော် ခြာခြာသာ လာတော့တယ်။ ပြောပြနေတဲ့ခေတ်မှာ အင်္ဂလိပ်လို ပြောစရာ နေရာမရှိ၊ စားစရာတို့ ဝတ်စရာတို့လိုဘဲ ဖတ်စရာကလဲ ရှားပါး-ပစ္စည်းဘဲ။

ကိုးတန်းမှာ ဦးပန်းရည် ဂဏန်းသင်္ချာကို သင်ကြရတယ်။ ဆရာကနေ သင်္ချာပုစ္ဆာတွေကို အတန်းသားတွေ လိုက်ကူးအောင် ရှေ့တန်းက ထိုင်ရတဲ့သူ (အရပ် မရှည်သူမို့ပါ) ကို ဖတ်ပြဘို့ ခိုင်းတယ်။ ဇန္နဝါရီလ ဆိုတာပါတော့ အသံထွက်ရာမှာ “ဂျန်နူဝါရီ” လို့ ထွက်မိတာ ဝိုင်းရီကြတယ်။ အသံထွက်မှန် အောင်ထွက်ရင် ကဲရဲ့ခံရတဲ့ခေတ်မှာ ကြာခဲ့ပါတယ်။

ဘာသာပြန်တာတွေမှာ မြန်မာမှု အတော်ပြုကြတာ သတိထားမိတယ်။ တိုင်းတပါး စာပေ-ယဉ်ကျေးမှုကို ပြောင်းယူတာက တမျိုး ဖြစ်ပါတယ်။ ဂရိ ရှေးလက်ရာ Homer (ဟိုးမား) ရဲ့ မဟာကဗျာကြီးတွေထဲက Achilles (အာချီးလိစ်) တို့ Troy (ထရွိုင်) တို့ကို နားယဉ်ကြသူ အတော်များပါမယ်။ Iliad (အိလိယတ်) နဲ့ Odyssey (အိုဒက်ဆေး) ဆိုတဲ့ Epic (အိပစ်) တွေကနေ လာတာလို့တော့ သိတဲ့သူ သိပ်မများ လောက်ပါ။

မြန်မာမှု ကောင်းကောင်းတော့ ပြုကြပါတယ်။ စာလုံးအထပ်တွေ ပါဠိတွေနဲ့ ရေးတော့ ခန့်သလိုလို၊ နန်းဆန်သလိုလို ထင်ကြရတယ်။ ခုခေတ်မှာ သိပ်မကိုက်ဘူး ထင်ပါတယ်။ ပိုသိချင်၊ သုတေသန လုပ်ခြင်သူတွေအတွက် ခက်ပါမယ်။ စာအုပ်တွေမှာ အင်္ဂလိပ်လို စာလုံးပေါင်းပါ ထည့်ရေး-ထည့်ရိုက်လာတာ သိပ်မကြာလှသေးဘူး။ ကောင်းတယ် ထင်ပါတယ်။ စာစီ-စာရိုက် စာလုံးပေါင်း မှားတာတော့ ဆိုးတယ်။

အိန္ဒိယက Mahabharata မဟာဘာရတ္တ (မဟာဘာရတ) ဆိုတဲ့ ရှေးအကျဆုံး Sanskrit သင်္သကရိုက် (သက္ကတ) ရှေးဟောင်း ဘာသာစကားနဲ့ ရေးထားခဲ့တဲ့ Epic ကဗျာ-မော်ကွန်းရှည်ကြီးကို ရာမယဏ ဆိုပြီး မြန်မာမှု ပြုတယ်။ စာပေ-အနုပညာအရာမှာ အတော်ကို ကောင်းပါတယ်။ ကြာတော့ နန်းတွင်း ရာမဇာတ်တော်ကြီးလို့ ထင်မှတ် လာခဲ့ကြတယ်။ သူများဟာကို ကိုယ်ပိုင် ထင်တာမျိုးက တခြားမှာ သွားပြောမိရင် ရှက်စရာကြီး။

ခုခေတ်မှာ ကိုယ့်နိုင်ငံကနေ အပြင်ထွက်နေသူ၊ အလုပ်သွားလုပ်သူ သန်းဂဏန်း မနည်းတော့ပါ။ အနည်းဆုံး Bodh Gaya (Bodhgaya) ဗုဒ္ဓဂါယာ ဘုရားဖူးထွက်သူ၊ Mecca (Makkah) “မက္ကာ” သွားသူတွေ အများကြီးပါ။ ဘုရား ပွင့်တော်မူရာမှာ Buddan Saranan Gachchami ကို “ဗုဒ္ဓံ သရနံ ဂစ္ဆာမိ” လို့ အသံမထွက်တာ သိကြမှာပါ။ ကျွန်တော်တို့ နိုင်ငံမှာ ပါဠိတော် အမြစ် ကောင်းကောင်း၊ ကျကျနန တွယ်နေတာ ကြာပါပြီ။ မှန်တာ၊ ကောင်းတာကို ဆွေးနွေးနိုင်သူတော့ မဟုတ်ပါ။ ဒါပေမဲ့ သူများတွေ ဘာသုံးနေကြသလဲ အထိတော့ သိကြဘို့ လိုသလားလို့ပါ။

တိုင်းပြည်-နေရာ၊ လူနာမည်တွေကို အသံထွက်ရင် မူရင်းအတိုင်း ဖြစ်နိုင်လေ ကောင်းလေ ထင်ပါတယ်။ မိတ်ဆွေထဲမှာ ဦးဗိုလ် နဲ့ ဦးဘို နှစ်ဦးရှိတယ်။ စာလုံးပေါင်း မှားရေး-မှားရိုက်ရင် မကြိုက်ဘူး။ မှားတဲ့သူမှာ အပြစ် မလွတ်ပါ။

အထက်ကလို ကွင်းစ-ကွင်းပိတ်နဲ့ ရေးရတာမျိုး၊ မူကွဲတွေ မနည်းပါ။ ဘယ်ဟာ မှန်သလဲ စွယ်စုံကျမ်း၊ အဘိဓာန်တွေ လှန်ရပါတယ်။ အစိုးရက ဦးစီးထုတ်တာတွေကို အမှန်ယူမလား။ အစိုးရ မတူရင် သတ်ပုံပါပြင်တာ ဘယ်နိုင်ငံတွေမှာ ရှိသေးလဲ မသိပါ။ လွတ်လပ်ရေးရ ပြီးနောက်ထုတ်တဲ့ မြန်မာ့ စွယ်စုံကျမ်းမှာ “ပိုးထိသည့်နေရာ အထက်နားတွင် ကြိုးတချောင်းဖြင့် တင်းကျပ်စွာ စည်းပေးရသည်” လို့ ရိုက်ထားတယ်။ နောက်ပေါ် မြန်မာအဘိဓာန်က “ကြိုးတစ်ချောင်း” ရေးရမယ်လို့ ဆိုပါတယ်။

ဆေးပညာ စာရေးသူ ဘယ်ဟာ ယူရမလဲ။ နောက်လူ မှားမှား၊ အရင်လူ မှန်မှန် မြွေဆိပ် အထက်မဆန်ဘို့သာ အရေးကြီးပါတယ်။

ဆေးပညာ-စာရေးသူ (၄) http://my-sayawun-life.blogspot.in/2012/08/blog-post.html
အစိုးရ သတ်ပုံတော့ ပြောမနေနဲ့ http://my-sayawun-life.blogspot.in/2012/12/blog-post.html
ဆေးပညာ-စာရေးသူ (၃) http://my-sayawun-life.blogspot.in/2011/04/blog-post.html
ဆေးပညာ-စာရေးသူ (၁) http://my-sayawun-life.blogspot.in/2011/03/blog-post.html

Dr. တင့်ဆွေ
၂ဝ-၃-၂ဝ၁၁